O albergue de San Teotonio é unha estrutura de apoio ós peregrinos do Camiño Portugués para Santiago. Foi a primeira en nacer en Portugal co obxectivo de apoiar as peregrinacións xacobeas.
Este albergue era a antiga Casa dos Maxistrados que foi adquirida polo Concello e posteriormente recuperada. Situado a tan só 300 metros da sección portuguesa do Camiño de Santiago configúrase coma un punto estratéxico da cidade de Valença. O albergue ten o nome de San Teotonio, en homenaxe ó primeiro santo portugués nacido en Valença, quen tamén foi peregrino a Terra Santa. O Mosteiro de Santa Cruz de Coímbra, fundado por San Teotónio, mantivo unha estreita relación con Santiago de Compostela por mediación do santo valenciano.
Este albergue configúrase como unha estrutura vital de apoio ós peregrinos que fan este trazado secular e permite un adianto importante na potencialización do camiño portugués.
No hay comentarios:
Publicar un comentario